मिति २०८१ साल भाद्र २४ गते सोमबारको दिन सातदोबाटो स्थित नेपाल तेक्वान्दो संघमा 3rd NTA League (Kyorugi/Poomsae) को औपचारिक उद्घाटन नेपाल सरकारको युवा तथा खेलकुद मन्त्री माननीय तेजुलाल चौधरीज्यू र नेपालको ऐतिहासिक ओलम्पिक पदकधारी श्री पलेशा गोवर्धन ज्यूद्वारा संयुक्त रुपमा भयो । उक्त समारोहमा नेपाली कांग्रेसका खेलकुद विभाग प्रमुख श्री उमेश जंग रायमाझीज्यू र नेपाल ओलम्पिक कमिटिका उपाध्यक्ष श्री ज्योती राणाज्यूको विशिष्ट आतित्थ्य‚ राष्ट्रिय खेल संघका अध्यक्ष तथा महासचिवज्यूहरुको आतित्थ्य‚ संघका केन्द्रीय सदस्यज्यूहरु‚ बागमती प्रदेश तेक्वान्दो संघ परिवार तथा जिल्ला तेक्वान्दो संघहरुका अध्यक्षज्यूहरुको उपस्थितिमा देशभरका १३० टिमका १६०५ जना तेक्वान्दो खेलाडीहरुको सहभागितामा उक्त उद्घाटन कार्यक्रम भव्यताका साथ सम्पन्न भयो ।