Hangzhou 2022 Asian Games – तेक्वान्दो टोलीलाई शुभकामना साथै पदक विजेतालाई संघद्वारा नगद पुरस्कारको घोषणा

Hangzhou 2022 Asian Games मा सहभागी हुने  नेपाली तेक्वान्दो टोलि  मिति २०८०/०६/०४ गतेका दिन चिनको हाङ्ग्झाउ प्रस्थान गरेको छ । ग्यरोगी विधा तर्फ ९ खेलाडी (अन्जली तामाङ्ग  , आयशा लामा , ईन्दिरा बस्नेत , सन्ध्या कुमारी सिंह, राहुल कुमाल ,बिर बहादुर महरा , गोविन्द आले , अभिषेक बराल  र ज्याकी यादव ) र पुम्से विधा तर्फ २ खेलाडी (स्वस्तिका तामाङ्ग , प्रेम बहादुर लिम्बु) लगायत ३ प्रशिक्षक (टार्जन सुब्बा , कवि राज खड्गी , कुमार लामा घिसिङ्ग ), त्यसै गरि निर्णायक तर्फ कोशिश खड्का समेत जम्मा १६ सदस्यीय टोलीको नेतृत्व संघका उपाध्यक्ष भान बहादुर चन्दले गरेका छन् ।

यस अघि २०८० साल असोज ३ गतेका दिन संघ द्वारा नगद पुरस्कारको घोषणा सहित शुभकामना कार्यक्रमको आयोजना गरिएको थियो। सो अवसरमा संघका अध्यक्ष प्रकाश शमशेर राणा तथा महासचिव दीपराज गुरुङ द्वारा शुभकामना व्यक्त गरियो ।  शुभकामना व्यक्त गर्ने क्रममा अध्यक्ष राणाले Hangzhou 2022 Asian Games मा तेक्वान्दो तर्फ स्वर्ण पदक विजेतालाई रु २५ लाख, रजत पदक विजेतालाई रु  १० लाख र कास्य पदक विजेतालाई रु ५ लाख संघको तर्फ बाट नगद पुरस्कारद्वारा सम्मान गरिने घोषणा गर्नुभएको थियो । सो अवसरमा सुदुरपश्चिम तेक्वान्दो संघका अध्यक्ष सुबास बिक्रम शाही लगायत संघका केन्द्रीय सदस्यहरु तथा जिल्ला तेक्वान्दो संघका अध्यक्षहरुको उपस्थिति रहेको थियो।